Malachi 1
1Isiqalekiso: Ilizwi likaJehova ku-Israyeli ngoMalaki.UJakhobe Uyathandwa, u-Esawu uyazondwa
2“Ngilithandile,” kutsho uJehova. “Kodwa liyabuza lithi, ‘Usithande njani?’ “U-Esawu wayengesumfowabo kaJakhobe na?” uJehova uyabuza. “Ikanti ngimthandile uJakhobe, 3kodwa u-Esawu ngimzondile, futhi ngenze izintaba zakhe zaba lugwadule ilifa lakhe ladliwa ngamakhanka asenkangala.” 4U-Edomi angathi, “Kungaze kube sinyathezelwe phansi kodwa sizawavuselela amanxiwa.” Kodwa nanku okutshiwo nguJehova uSomandla, uthi: Bangakha, kodwa ngizadiliza. Bazakuthiwa Yilizwe Elibi, abantu abazahlala bethukuthelelwe nguJehova. 5Lizakubona ngawenu amehlo lithi, ‘Umkhulu uJehova – langale kwemingcele yako-Israyeli!’Imihlatshelo Engcolileyo
6“Indodana iyamesaba uyise, lenceku iyayesaba inkosi yayo. Aluba nginguyihlo kungaphi pho ukwesatshwa kwami? Aluba ngiyinkosi kungaphi ukuhlonitshwa kwami na?” kutsho uJehova uSomandla. “Yini, hawu baphristi, eleyisa ibizo lami. “Kodwa lingabuza lithi, ‘Sileyise ngani ibizo lakho?’ 7“Libeka ukudla okungcolileyo ealithareni lami. “Kodwa lingabuza lithi, ‘Sikungcolisile kanjani wena na?’ “Ngokuthi itafula likaJehova liyeyiseka. 8Nxa liletha izifuyo eziyiziphofu ukuba ngumhlatshelo, kambe kakukubi lokho na? Nxa lisenza umhlatshelo ngezifuyo eziyizilima loba ezilezifo, kakukubi lokho na? Ake lizame ukukunika umbusi wenu! Angalithabela lina na? Angalithanda kambe lina yini?” kutsho uJehova uSomandla. 9“Manje-ke ncengani uNkulunkulu ukuthi abe lobubele kithi. Ngeminikelo enjalo ephuma ezandleni zenu, kambe angalamukela?” – kutsho uJehova uSomandla. 10“Hawu, sekuze kungathi omunye wenu angavala iminyango yethempeli ukuze lingabi lilokhu libasa imililo engelamsebenzi ealithareni lami! Kangithokozi ngani lina,” kutsho uJehova uSomandla, “njalo kangiyikwamukela umnikelo wezandla zenu. 11Ibizo lami lizaba likhulu phakathi kwezizwe, kusukela ekuphumeni kwelanga kusiya ekutshoneni kwalo. Ezindaweni zonke impepha leminikelo ehlanzekileyo izalethwa ebizweni lami, ngokuba ibizo lami lizakuba likhulu phakathi kwezizwe,” kutsho uJehova uSomandla. 12“Kodwa liyalingcolisa ngoba lithi ngetafula likaJehova, ‘Lingcolisiwe,’ lithi ngokudla okukulo, ‘Kuyadeleleka.’ 13Njalo lithi, ‘Kuyasidinisa thina lokhu!’ Lichile amakhala liseyisa,” kutsho uJehova uSomandla. “Nxa liletha izifuyo ezilimeleyo kumbe ezilemikhuhlane lizozinikela zibe yimihlatshelo, lithi ngizemukele yini ezandleni zenu?” uyabuza uJehova. 14“Uqalekisiwe umkhohlisi olenqama enhle emhlambini wakhe, athembise ukunikela ngayo, kodwa abesenikela ngesifuyo esilesici kuJehova. Ngoba ngiyinkosi enkulu,” kutsho uJehova uSomandla, “njalo ibizo lami kufanele lesatshwe phakathi kwezizwe.
Copyright information for
NdeIBE